Cara Menulis dan Membaca Artikel

PANGAJHÂRÂN 1
Tèma : Kabhuḍhâjân
GHÂNCARAN
Lalampa'an 3

Indikator
4.1.1 Menulis artikel sederhana
4.1.2 Membaca ekspresif teks artikel

Berikut kita akan belajar bagaimana cara menulis artikel dengan baik dan benar serta bagaimana caranya membaca artikel dengan ekspresi 

Gambar : Surat Kabar

Caraèpon Nyerrat Ghâncaran (Teknik Menulis Artikel)

Caraèpon nyerrat ghâncaran èngghi ka’ḍinto:

1. Mèlè tèma
   
   • Pèlè tèma sè sorop/ cocok kalabân ngen-angen/ pangaterro jughân sorop kalabân kamampowan
   • Pèlè tèma sè salagghi' dhâddhi ḍhâ-kanḍhâna orèng bânnya' (aktual)
   • Tantowaghi pamangghi ḍâ’ tèma sè bhâḍhi èjhârbâ'âghi (saroju' ponapa bhunten).
2. Tantowaghi bhul-ombhul
   
   • Bhul-ombhul abâkkèlè tèma sè bhâḍhi èjhârbâ'âghi
   • Rèngkes (3 - 5 oca')
   • Mèkat (ngajhâk) pangghâliyân orèng kaangghuy maos tolèsan kantos lastarè.
3. Soson alinia pamokka'
   
   • Sèttong alinia biyâsaèpon aghânḍhu’ sèttong poko' pèkkèran/ pokeddhâ carèta (pokok pikiran)
   • Jhârbâ'âghi parkara sè poko' sorop kalabân kaparlowan (3 - 5 okara)
   • Alinia sè kapèng sèttong aghânḍhu’ poko' pèkkèran sè palèng parlo
   • Sèpaddhâ, ponapa nyangghâbhi pamangghi orèng laèn otabâ ngatorraghi pamangghi abâ' dhibi'.
4. Jhârbâ'âghi tèma ḍâ’ pan-saponapan alinia sè nerrangngaghi
   
   • Jhârbâ'âghi poko' pèkkèran sè palèng parlo (pokok pikiran utama) dhâddhi pan-saponapan okara sè ajhârbââghi
   • Sabbhân-sabbhân poko' pèkkèran èsoson ḍâ’ sèttong alinia
   • Sambhungan sèttong alinia kalabân alinia saterrossèpon kalabân panyambhung pèkkèran sè kowat
   • Panyambhung sabbhân-sabbhân alinia bisa aropa bâkto (kronologis), kennengngan (kronologis/ruang), sabâb tor pangghibât (kausalitas).
5. Soson ainia pongkasan mènangka rèngkessannèpon sadhâjâ alinia, bisa jughân ètambâi sareng pangarep ḍâ’ sadhâjâ para maos.
   

$ads={1}

Caraèpon Maos Ghâncaran (Teknik Membaca artikel)

Caraèpon maos ghâncaran ka’ḍinto kaèdhânnèpon sareng tanḍhâ bâca, akadhi titi' (.), koma (,), titi' koma (;), titi' ḍuwâ’ (:), tanḍhâ tanya (?) tanḍhâ serro (!). Parkara ka’ḍinto nyopprè èkaghâli ta' kantosa sala otabâ kalèro. 

Tor jughân manabi maos artikel kong-langkong kaangghuy èpèyarsa'aghi/ èpèrengngaghi ḍâ’ ka orèng laèn nyopprè lerressa carana maos ca'-oca'na. contowèpon akadhi oca' "kerreng", ka’ḍhinto gadhuwan ḍuwa' artè. Manabi e (rèng) èmaos (èbaca) tajhem, molana artèèpon kessap dâri bâcca. 

Conto okaraèpon: “Rasoghânnèpon èbu sè èjhemmor ampon kerrèng”. Dhinèng manabi e ka’ḍhinto èmaos e buwi (e metpet è tolèsan carakan), molana ghâḍhuwân artè bhâko sè rassana ta' saè/ korang saè. Conto okaraèpon: “Kaè manabi aroko', kasokan ḍâ’ bhâko sè kerreng rassana”. Bisa jughân ghâḍuwân artè ghâṭak. Conto okaraèpon: “bâjingan rowa abâsânna cè’ kerrengnga”.

Èyatorè maos ghâncaran sè abhul-ombhul Ojhung kalabân ghilirân sareng kancaèpon tor sè laèn nalèktèghi!

Baca artikel Ojhung di sini